官網訂購有分會員 (季票Season和普通會員Member) 及非會員 (招待票Hospitality和公開發售General sale). 本篇會重點講普通會員訂購方法, 因為如你係季票會員, 你應該唔使睇本文. 而如果想等公開發售, 熱門球隊就真係幾難買到飛喇.
官網發售門票, 一般會在開賽日前六至八周發售, 每間球會不同, 又或是如開鑼日賽事. 發售期會更短至四至五周前. 以車路士球會為例, 發售方法次序為首周季票Season、次周普通會員Member、第三周會員可代非會員訂購、最後公開發售General sale, 所以說待公開發售才購票是很困難的事, 因所有門票首兩周已售罄.
(車路士訂購波飛會分不同日期, 因此非會員很難購買得到.)
要買飛, 先要成為會員
在此我會詳細講解如何成為會員, 訂票等要留意的細節.
首先英超球會都屬於會員制, 所有門票都會先售於會員, 而會員會藉是分每個球季計算, 所以季尾入會, 會藉時間也不會延申至下季. 網絡上較少教授會員訂票方法, 相信原因是和入會費昂貴有關. 就16/17年度的入會費, 阿仙奴Arsenal成人會員費最平要34英磅, 車路士Chelsea最平要25英磅、曼聯Manchester United要32英磅, 而且多少人入場, 就要有多少人入會, 在未購票前就先付這筆費用, 的確會令人卻步. 但當對比其他網站價格, 這會費又覺物有所值的, 而且有些球會會員有九折(10% off)購物優惠, 可能買完野都回返大半會費喇!
首先英超球會都屬於會員制, 所有門票都會先售於會員, 而會員會藉是分每個球季計算, 所以季尾入會, 會藉時間也不會延申至下季. 網絡上較少教授會員訂票方法, 相信原因是和入會費昂貴有關. 就16/17年度的入會費, 阿仙奴Arsenal成人會員費最平要34英磅, 車路士Chelsea最平要25英磅、曼聯Manchester United要32英磅, 而且多少人入場, 就要有多少人入會, 在未購票前就先付這筆費用, 的確會令人卻步. 但當對比其他網站價格, 這會費又覺物有所值的, 而且有些球會會員有九折(10% off)購物優惠, 可能買完野都回返大半會費喇!
(曼聯2016/17年度會費)
其實對照會員波飛價錢, 會發覺同炒飛爭好遠, 炒飛通常係季票會員賺錢用, 同原價可相差3倍以上. 而球會通常亦會分不同對賽球隊級別, 以定門票價錢.
會員入會方法
入會前要先提醒一句, 看看入會時, 想看的球賽何時發售, 最怕付了會費又買不到門票就慘了.
(選擇True Blue Membership)
之後先輸入資料, 要留意輸入資料要正確, 唔好亂填, 香港Postal Code可填四個零 (0000), 亂填Postal Code會有唔知寄左去邊的風險, 因會員証會寄去你的地址, 所以地址唔可以錯, 之後填埋其他資料, 信用咭比錢, 咁就大致完成入會手續.
買門票係一會員一票的, 買多少就齊齊入會, 如果想等第三周會員代非會員訂購, 以我經驗, 就算如以下示範的車路士對般尼這種B級賽事, 未到第三周已經全部售罄. 齊齊入會之後, 唔使等收到會員卡才可購票, 但新會員也要待入會後72小才可購票, 即是說不可一入會就要買飛喇! 全部人入晒會之後, 就要互相於 (朋友和家人 Friends & Family)上加入, 而這部份是一入會就可以做的. 連結其他人要知道其名字、會員號碼和Postal Code, 待互通會員後, 就可以一個人代買其他人買門票了. 在此有一件事一定要留意, 很多球會規定一次只可訂購四張門票, 多過四張就要分開兩次訂購了, 即是多過4張票是不可能連位的, 在這事上我就撞上一次板了.
之後就係買門票攻略喇!
(加入朋友和家人)
(加入後可即時看到朋友和家人資料)
上網搶飛
萬事俱備, 之後就是網上訂購門票了, 條了8月開鑼日期會較亂外, 其餘發售日都應該可以清楚找到. 可以的話, 建議先用其他場次先作模疑預購一次, 只要不用信用咭過數就可以了, 這可減少訂購目標球賽時一些不必要的錯誤.
(入會後可以不同場次作Login, 訂票預習)
以下會講解一下整個訂購過程. 車路士發售時間是當地早上七時, 照夏令計即香港下午二時, 是一個很舒服可以訂購的時間. 如果要同人搶飛, 不要發售時間才進入官網, 官網買票有排隊制度, 你可發售前一小時內, 進入門票ticket頁面按Buy Tickets, 版面會出現Online Ticketing - Virtual Waiting Room, 即你的電腦正在排隊中, 建議用多於一部電腦去排隊, 如果得一部腦, 最少也要用不同Browser去排隊, 避免斷線或其他狀況出現, 要重新再排隊購票.
(Online Ticketing - Virtual Waiting Room版面, 看到這才算排隊中)
兩邊下層飛最搶手, 尤其East Stand Lower, 因為價錢平, 兒童仲有半價, 20分鐘就可能會沽清. 相反West Stand Upper會最遲先賣得晒.
(當平飛售完後, 只餘下西看台高層貴飛.)
(揀選人數後, 座位是沒有選擇的, 電腦編位後會有10分鐘完成交易.)
(成功過數訂購門票後的頁面, 你並會收到確認電郵和編號)
有些球會如阿仙奴, 會將門票資料記錄在會員卡上, 比賽日持會員卡入場便可. 而車路士是用門票的, 訂購後會依訂購那位會員的地址, 一并把門票寄出. 如果擔心係出發時仍未收到門票, 緊記帶上會員卡, 於比賽日到球場Ticket Office, 再附上訂購編號和護照對名, 他們會重印一份門票給你. 如果出發前己收到門票, 你會發現封套內有不同優惠券,當然最有用係九折Coupon喇. 其實不論有沒有收到門票, 也建議帶備會員卡入場穩陣些.
(車路士用門票入場, 不記名, 但兒童票入場會亮不同色的燈. 阿仙奴則以會員卡入場)
總結會員購買經驗, 先付數百港元, 而可能買不到飛是有一定風險的, 但相對於一些賣飛網站的炒價, 值博率還是滿高的. 除了本文示範車路士對般尼的B級賽事外, 我也試過於開售時訂購得到車路士對利物浦的AA級賽事, 其實搶飛情況和B級賽事差不多, 也是兩邊最平下層飛會先售完, 最貴的上層會最後才售罄, 如不介意上層應會買得到門票的. 而且收到自已的會員卡,會有一種莫名的滿足感, 呢種感受係買炒飛唔會有既.
在此祝大家順利買飛, 睇場英超好波.
